ప్రమోషన్లలో ఎప్పుడూ కనిపించని నయనతార, ఈ మధ్య ప్రమోషన్లలో కనిపించిన అందరికీ షాకిచ్చింది. ఆమె తాజాగా నటించిన ‘కనెక్ట్’ చిత్రం ప్రమోషన్లలో నయన తార కనిపించి సెన్సేషన్ క్రియేట్ చేసింది.
ఆమె భర్త విఘ్నేష్ శివన్ నిర్మించిన సినిమా కావడంతో ఈ సినిమా ప్రమోషన్లలో నయన్ కనిపించిందంటూ మాట్లాడుకున్నారు. దొరికిందే తడవుగా, నయన్‌ని అటు తమిళ మీడియా, ఇటు తెలుగు మీడియా వరుస పెట్టి ప్రశ్నల వర్షం కురిపించి నయన్‌ని ఉక్కిరి బిక్కిర చేసిన సంగతి తెలిసిందే.
అంతా బాగానే వుంది. కానీ, ప్రమోషన్లలో పాల్గొని నయన్, ఫ్యాన్స్‌కి షాకిస్తే.. ‘కనెక్ట్’‌తో కనెక్ట్ అవ్వకుండా సినిమాని ఫ్లాప్ చేసి, ఫ్యాన్స్ నయన్‌కి షాకిచ్చారు. సొంత సినిమా విషయంలో ఇలా జరగడం నయన్‌కి ఒకింత బాధాకరమైన అంశమే. కానీ, ‘కనెక్ట్’ సబ్జెక్ట్ ఆడియన్స్‌కి అంతగా కనెక్ట్ కాకపోవడం వల్లనే ఈ ఫెయిల్యూర్.. అంటున్నారు. 
లేడీ ఓరియెంటెడ్ సబ్జెక్ట్స్ ఎంచుకునేముందు నయన్ ఇంకాస్త శ్రద్ధ పెట్టాల్సి వుందని ఆమె అభిమానులే ఆమెకు ఉచిత సలహాలిస్తున్నారట.