యూఏఈ: దుబాయ్‌లో పాదచారుల క్రాసింగ్ బోర్డు పక్కన వేచి ఉన్న 36 ఏళ్ల ఆఫ్రికన్ మహిళపైకి దూసుకెళ్లిన డ్రైవర్‌ను దుబాయ్ పోలీసులు అరెస్టు చేశారు. ప్రమాదంలో తీవ్రంగా గాయపడిన మహిళను చికిత్స నిమిత్తం ఆస్పత్రికి తరలించారు. నిందితుడు నేరం జరిగిన ప్రదేశంలోనే  తన కారును వదిలేసి పారిపోయాడని పోలీసులు వివరించారు. ఘటన జరిగిన రెండు గంటల్లోనే నిందితుడిని అరెస్టు చేశారు.  ప్రమాద స్థలంలో అమర్చిన సీసీ కెమెరాల సాయంతో CID బృందం నిందితుడిని అరెస్ట్ చేసిందన్నారు.