దుబాయ్: జనవరి 8 నుండి రెండు నెలల పాటు అల్ ముతకమేలా వెహికల్స్ టెస్టింగ్ అండ్ రిజిస్ట్రేషన్ సెంటర్, తస్జీల్ యూజ్డ్ కార్ మార్కెట్ సెంటర్‌లో వారంలో ఏడు రోజులూ వెహికల్ టెస్టింగ్ సర్వీస్ అందుబాటులో ఉంటుందని దుబాయ్ రోడ్స్ అండ్ ట్రాన్స్‌పోర్ట్ అథారిటీ (RTA) ప్రకటించింది. కేంద్రాలు ఆదివారం (వారాంతం) మధ్యాహ్నం 2 గంటల నుంచి రాత్రి 10 గంటల వరకు తెరిచి ఉంటాయని లైసెన్సింగ్ ఏజెన్సీ, RTA వాహనాల లైసెన్సింగ్ విభాగం డైరెక్టర్ జమాల్ అల్ సదా తెలిపారు. ఇంతకుముందు RTA దాని 28 వాహన పరీక్షా కేంద్రాలలో పని గంటలను పెంచింది. ఉదయం 7 నుండి రాత్రి 10.30 వరకు సర్వీస్ సెంటర్లు పనిచేస్తుండగా.. తస్జీల్ హట్టా సెంటర్ ఉదయం 8 నుండి సాయంత్రం 4 గంటల వరకు, తస్జీల్ జెబెల్ అలీ సెంటర్ ఉదయం 7 నుండి సాయంత్రం 5 గంటల వరకు పనిచేస్తాయి. ఉదయం షిఫ్ట్ ఉదయం 7 నుండి మధ్యాహ్నం 12 గంటల వరకు నడుస్తుంది. సాయంత్రం 3 గంటల నుండి రాత్రి 10.30 వరకు రెండో షిఫ్ట్ లో సిబ్బంది అందుబాటులో ఉంటారు. ఇక శుక్రవారం తస్జీల్ జెబెల్ అలీ సెంటర్ ఉదయం 7 నుండి మధ్యాహ్నం 12 గంటల వరకు మాత్రమే తెరిచి ఉంటుందని, హట్టా సెంటర్‌లో పని గంటలు సాయంత్రం 3 గంటల నుండి రాత్రి 9 గంటల వరకు మాత్రమే పరిమితం చేసినట్లు జమాల్ అల్ సదా తెలిపారు.