సూర్య హీరోగా నటించిన '24' చిత్రానికి సెన్సార్‌ బోర్డు నుంచి క్లీన్‌-యూ సర్టిఫికెట్‌ లభించింది. చిత్ర బృందం సోషల్‌మీడియా ద్వారా ఈ విషయాన్ని తెలుపుతూ... సరికొత్త పోస్టర్‌ను అభిమానులతో పంచుకుంది. విక్రమ్‌ కుమార్‌ దర్శకత్వం వహించిన ఈ చిత్రాన్ని 2డీ ఎంటర్‌టైన్‌మెంట్‌ పతాకంపై సూర్య నిర్మించారు. ఎ.ఆర్‌. రెహమాన్‌ చిత్రానికి సంగీతం సమకూర్చారు. సమంత, నిత్యా మేనన్‌లు చిత్రంలో కథానాయికలుగా నటించారు. ఇది ఒక సైన్స్‌ ఫిక్షన్‌ థ్రిల్లర్‌. మే 6న '24' ప్రేక్షకుల ముందుకు రానుంది.