మాస్ రాజా రవితేజకు ‘ధమాకా’ మంచి హిట్ ఇచ్చింది. గత కొన్నాళ్లుగా వరుస ఫ్లాపులతో విసిగిపోతున్న రవితేజకు ‘ధమాకా’ కలిసి రావడంతో హుషారు పెంచేశాడు.
తదుపరి సినిమాలను వేగవంతం చేశాడు. ఆయన ఫ్యూచర్ ప్రాజెక్టుల్లో ఒకటి ‘టైగర్ నాగేశ్వరరావు’. వంశీ దర్శకత్వంలో రూపొందుతోన్న ఈ సినిమాలో మాస్ రాజా స్టూవర్ట్‌పురం దొంగలా కనిపించనున్నాడు. 
1970ల కాలంలో స్టూవర్ట్‌పురంలో జరిగిన కొన్ని సంఘటనల ఆధారంగా ఈ సినిమా రూపొందుతోంది. శరవేగంగా షూటింగ్ జరుపుకుంటున్న ఈ చిత్రంలో రవితేజ పక్కన ఇద్దరు ముద్దుగుమ్మలు హీరోయిన్లుగా నటిస్తున్నారు. నుపుర్ సనన్ ఒకరు కాగా, గాయత్రి భరద్వాజ్ మరొక ముద్దుగుమ్మ.
అన్నట్లు రేణు దేశాయ్ ఈ సినిమాతో సెకండ్ ఇన్నింగ్స్ స్టార్ట్ చేస్తోంది. ఓ ఇంపార్టెంట్ రోల్‌లో రేణు దేశాయ్ నటిస్తోంది. ఓ వైపు ‘ధమాకా’ హిట్టు.. మరో వైపు ‘వాల్తేర్ వీరయ్య’లతో జోరు మీదున్న మాస్ రాజా రవితేజకు, ‘టైగర్ నాగేశ్వరరావు’ కూడా కలిసొస్తే రవితేజ ఫ్యాన్స్‌ ఖుషీకి ఢోకా వుండదు మరి. ఈ ఏడాదిలోనే ఈ సినిమాని ప్రేక్షకుల ముందుకు తీసుకొచ్చేందుకు సన్నాహాలు చేస్తున్నారు.