రియాద్ : 2022లో లేబర్ మార్కెట్‌లో మహిళల భాగస్వామ్యం 37%కి పెరిగిందని మానవ వనరులు, సామాజిక అభివృద్ధి మంత్రి (MHRSD) ఇంజినీర్ అహ్మద్ అల్-రాజీ చెప్పారు. సోషల్ డైలాగ్ ఫోరమ్ పన్నెండవ వెర్షన్‌లో అల్-రాజీ ముఖ్య అతిథిగా పాల్గొని ప్రసంగించారు. ప్రాముఖ్యత రంగాలలో పెట్టుబడి పెట్టడం, సవాళ్లను ఎదుర్కోవడం, అలాగే ఆకర్షణీయమైన లేబర్ మార్కెట్‌కు విశిష్టమైన పని వాతావరణాన్ని కల్పించడం, జాతీయ ఆర్థిక వ్యవస్థ,  కార్మిక మార్కెట్ వ్యూహానికి మద్దతు ఇవ్వడంలో ఫోరమ్ దోహదపడుతుందన్నారు. గతంలో ఎన్నడూ లేనివిధంగా దాదాపు 2.2 మిలియన్ల సౌదీలు ప్రైవేట్ రంగంలో పనిచేస్తున్నారని అల్-రాజీ పేర్కొన్నారు. 550,000 కంటే ఎక్కువ మంది సౌదీ పురుషులు, మహిళలు ఉపాధి పొందారని తెలిపారు.  98% సంస్థలు నిబద్ధతతో పనిచేస్తున్నాయని, 80% కంపెనీలు వేతన రక్షణకు కట్టుబడి ఉన్నాయన్నారు. 3.8 మిలియన్ల పని ఒప్పందాలు నమోదు కాగా.. కార్మిక వివాదాల సామరస్య పరిష్కారం రేటు 74% పెరిగిందని అల్-రాజీ చెప్పారు.