దుబాయ్: నైపుణ్యం కలిగిన నిపుణులు, ఎంటర్ ప్రెన్యూర్స్, పెట్టుబడిదారులు తదితర వృత్తి నిపుణులకు గత సంవత్సరంలో  సుమారు 79,617 గోల్డెన్ వీసాలను జారీ చేసినట్లు దుబాయ్‌లోని జనరల్ డైరెక్టరేట్ ఆఫ్ రెసిడెన్సీ అండ్ ఫారినర్స్ అఫైర్స్ (GDRFA)  వెల్లడించింది. గత ఏడాదితో పోలిస్తే ఈ సంఖ్య 69 శాతం పెరిగిందని తెలిపింది. 2022లో మొత్తం 79,617 లాంగ్ టెర్మ్ రెసిడెన్సీ వీసాలను జారీ చేయగా.. 2021లో 47,150 రెసిడెన్సీ వీసాలను జారీ చేశారు. 2019లో ప్రారంభించబడిన గోల్డెన్ వీసా పథకం ఇటీవల మరిన్ని రంగాల నిపుణులకు విస్తరించడం, కనీస నెలవారీ జీతాన్ని Dh50,000 నుండి Dh30,000కి తగ్గించడం లాంటి చర్యలతో లాంగ్ టెర్మ్ రెసిడెన్సీ వీసాలకు డిమాండ్ పెరిగింది.