దుబాయ్: యూఏఈలో ఇంధన ధరలు పడిపోవడంతో దుబాయ్‌లోని అధికారులు టాక్సీ ఛార్జీలను తగ్గించారు. దుబాయ్‌లో కనీస ఛార్జీ ఇప్పుడు 22 ఫిల్స్ మేరకు తగ్గింది. ధర కిలోమీటరుకు 2.19 నుండి 1.97 కి తగ్గించినట్లు ఆర్టీఏ పబ్లిక్ ట్రాన్స్‌పోర్ట్ ఏజెన్సీలో ప్లానింగ్ అండ్ బిజినెస్ డెవలప్‌మెంట్ డైరెక్టర్ అడెల్ షాక్రి తెలిపారు. సాధారణ ఇంధన ధరలు గత నాలుగు నెలల నుంచి తగ్గుముఖం పట్టడంతో ఈ మేరకు ఛార్జీలను తగ్గించినట్లు ఆయన వివరించారు. తగ్గించిన ధరలు లిమోసిన్‌లతో సహా అన్ని రకాల టాక్సీలకు ఇది వర్తిస్తుందని పేర్కొన్నారు.