యూఏఈ: ప్రతి ఎమిరేట్‌లోని ఇంజనీర్లు సమర్పించిన ట్రాఫిక్ ఫ్లోపై సాంకేతిక నివేదికల ఆధారంగా యూఏఈ రోడ్లపై వేగ పరిమితులలో మార్పులు చేశారు. అబుధాబి మినహా అన్ని ఎమిరేట్స్‌లలో, స్పీడ్ బఫర్ వాహనదారులు నిర్ణీత వేగ పరిమితి కంటే 20kmph ఎక్కువగా ప్రయాణించడానికి అనుమతించారు. అబుధాబి 2018లో బఫర్ సిస్టమ్‌ను రద్దు చేసింది.

దుబాయ్ పోలీసులు తమ వెబ్‌సైట్‌లో వివిధ రహదారులపై వేగ పరిమితులను పొందుపరిచారు. జనవరి 13న చేసిన అప్‌డేట్ ప్రకారం.. పరిమితులు గంటకు 60 నుండి 120కిమీల వరకు ఉన్నాయి. మొహమ్మద్ బిన్ జాయెద్, ఎమిరేట్స్ రోడ్‌లలో వేగ పరిమితి గంటకు 110కిమీగా ఉండగా.. అనేక అంతర్గత రోడ్లలో ఇది గంటకు 70కిమీగా నిర్ణయించారు. దుబాయ్-హట్టా రోడ్‌లో కొంత భాగం వేగ పరిమితిని 100kmph నుండి 80kmph కు తగ్గించినట్లు , ఎమిరేట్స్ రోడ్స్ అండ్ ట్రాన్స్‌పోర్ట్ అథారిటీ (RTA)  ప్రకటించింది. ఈ మార్పు దుబాయ్, అజ్మాన్, అల్ హోస్న్ రౌండ్‌అబౌట్ మధ్య విస్తరించి ఉన్న సెక్టార్‌ను కవర్ చేస్తుందన్నారు.