బహ్రెయిన్: 25వ అరబ్ గల్ఫ్ కప్‌ సెమీ-ఫైనల్‌కు డిఫెండింగ్ ఛాంపియన్స్ బహ్రెయిన్ చేరుకుంది. ఇరాక్‌లోని బాస్రా ఇంటర్నేషనల్ స్టేడియంలో జరిగిన గ్రూప్ B చివరి గేమ్‌లో కువైట్ తో జరిగిన మ్యాచ్ 1-1 స్కోరుతో డ్రాగా నిలిచింది. ఆట మొదటి అర్ధభాగంలో బహ్రెయిన్ తరఫున మహదీ హుమైదాన్ స్కోర్ చేశాడు. అయితే  విరామానికి కొద్ది క్షణాల ముందు కువైట్ తరఫున షబీబ్ అల్ ఖల్దీ గోల్ చేసి స్కోరు సమం చేశాడు. చివరి 45 నిమిషాల్లో విజేతగా నిలిచేందుకు ఇరు జట్లు తీవ్రంగా ప్రయత్నించాయి. కానీ, మెరుగైన పాయింట్లు ఉన్న కారణంగా బహ్రెయిన్‌ సెమీస్ చేరింది. సోమవారం జరిగే సెమీస్‌ మ్యాచులలో బహ్రెయిన్ గ్రూప్-ఎ రన్నరప్ ఒమన్‌తో,  ఇరాక్‌తో ఖతార్‌ తలపడనున్నాయి.