యూఏఈ: అబుధాబిలో గోల్డెన్ వీసా వ్యవధి అన్ని వర్గాలకు 5 సంవత్సరాలకు బదులుగా 10 సంవత్సరాల కాలానికి అప్‌డేట్ చేయబడిందని అబుధాబి రెసిడెంట్స్ ఆఫీస్‌లోని ఆపరేషన్స్ డైరెక్టర్ మార్క్ డోర్జి తెలిపారు. ఈ వీసాను కలిగి ఉన్నవారు జీవిత భాగస్వాములు, పిల్లలు, తల్లిదండ్రులను వయస్సుతో నిమిత్తం లేకుండా స్పాన్సర్ చేయవచ్చన్నారు.  గోల్డెన్ వీసా ఇప్పుడు పదేళ్లపాటు చెల్లుబాటవుతుందని అబుధాబి రెసిడెంట్స్ ఆఫీస్ సూచించింది. వైద్యులు, నిపుణులు, శాస్త్రవేత్తలు, ఆవిష్కర్తలు వంటి సైన్స్, విజ్ఞాన రంగాలలో నిపుణులు, పరిశోధకుల కోసం విస్తృత శ్రేణి రెసిడెన్సీ ఎంపికలకు ఈ నిర్ణయం దోహదం చేస్తుందని మార్క్ డోర్జి వెల్లడించారు.