కువైట్: రాబోయే రెండు రోజులపాటు కువైట్ వ్యాప్తంగా వర్షాలు పడే అవకాశం ఉన్నది. సోమవారం సాయంత్రం నుంచి మంగళవారం మధ్యాహ్నం వరకు వర్షాలు కురుస్తాయని కువైట్ వాతావరణ కేంద్రం తెలిపింది. అల్పపీడనం కారణంగా తక్కువ, మధ్య స్థాయి మేఘాలు ఏర్పడతాయని పేర్కొంది. వీటి కారణంగా ఉరుములు, మెరుపులతో కూడిన వర్షాలు  కురుస్తాయని వాతావరణ శాస్త్రవేత్త అబ్దుల్ అజీజ్ అల్-ఖరావి వెల్లడించారు. దేశంలోని దక్షిణ భాగంలో భారీ వర్షాలు కురిసే అవకాశం ఉందన్నారు. అధిక గాలులతోపాటు తక్కువ దృశ్యమానత ఏర్పడే అవకాశం ఉందని, వాహనదారులు జాగ్రత్తగా ఉండాలని, ట్రాఫిక్ సూచనలు పాటించాలని అల్-ఖరావి సూచించారు.