మస్కట్: ఒమన్‌లోకి పెద్ద మొత్తంలో డ్రగ్స్ స్మగ్లింగ్ చేస్తున్న ముగ్గురు ప్రవాసులను మంగళవారం అరెస్టు చేసినట్లు రాయల్ ఒమన్ పోలీసులు (ROP) వెల్లడించారు. సముద్ర మార్గంలో అక్రమంగా దేశంలోకి ప్రవేశించిన ముగ్గురు ఆసియా జాతీయులను అరెస్టు చేసినట్లు పేర్కొంది. వారివద్ద నుంచి 28 కిలోల కంటే ఎక్కువ క్రిస్టల్ మెత్, 21 కిలోల మార్ఫిన్,  10 కిలోల హషీష్ లను స్వాధీనం చేసుకున్నట్లు తెలిపారు. నిందితులపై చట్టపరమైన చర్యలు తీసుకున్నట్లు ఒమన్ పోలీసులు పేర్కొన్నారు.