కువైట్: కువైట్ వ్యాప్తంగా విస్తారంగా వర్షాలు కురుస్తున్నాయి. వర్షాల కారణంగా అనేక చోట్ల వరదలు పోటెత్తాయి. లోతట్టు ప్రాంతాలు జలమయం అయ్యాయి. మంగళవారం తెల్లవారుజామున కురిసిన భారీ వర్షానికి షుఐబా, పోర్ట్ అబ్దుల్లా మధ్య ప్రధాన రహదారిలో కొంత భాగం కూలిపోయింది. సమాచారం అందగానే అలర్టయిన ట్రాఫిక్ పెట్రోలింగ్‌లు రహదారిని బ్లాక్ చేశారు. ట్రాఫిక్ ను క్రమబద్ధికరించారు. వాహనదారులను ఇతర మార్గాల మీదుగా మళ్లించినట్లు భద్రతా వర్గాలు తెలిపాయి.