నాగచైతన్య ఇప్పటిదాకా పోలీసు పాత్రలో నటించింది లేదు. 'తడాఖా' సినిమాలో అనధికారికంగా పోలీసు పనుల్ని చక్కబెడుతుంటాడంతే. ఈసారి మాత్రం నేనేరా పోలీస్‌... అంటూ డైరెక్టుగా గర్జించబోతున్నట్టు తెలిసింది. ప్రస్తుతం సెట్స్‌పై ఉన్న 'సాహసం శ్వాసగా సాగిపో' అనే సినిమాలోనే చైతూ పోలీసుగా కనిపిస్తాడని సమాచారం. తొలి సగభాగంలో ప్రేమకథ వుంటుందని, మలి సగభాగంలో యాక్షన్‌ నేపథ్యం వుంటుందని చిత్రవర్గాలు చెబుతున్నాయి. దీన్నిబట్టి మలిసగభాగంలోనే చైతూ పోలీసు గెటప్‌లో కనిపించే అవకాశాలున్నట్టు తెలుస్తోంది. గౌతమ్‌ మేనన్‌ దర్శకత్వం వహిస్తున్న ఈ చిత్రంలో చైతూ సరసన మంజిమ మోహన్‌ నటిస్తోంది. త్వరలోనే ఈ చిత్రాన్ని ప్రేక్షకుల ముందుకు తీసుకొస్తారు.