యూఏఈ: ప్రతికూల వాతావరణ పరిస్థితుల కారణంగా దుబాయ్ గ్లోబల్ విలేజ్ ను తాత్కాలికంగా మూసివేశారు. దుబాయ్‌లోని వివిధ ప్రాంతాల్లో బుధవారం భారీ వర్షాలు కురిశాయి. గురువారం కూడా ప్రతికూల వాతావరణం కొనసాగుతుందని జాతీయ వాతావరణ కేంద్రం అంచనా వేసింది. దుబాయ్‌తో పాటు ఇతర ఎమిరేట్స్‌లో కూడా భారీ వర్షాలు నమోదయ్యాయి. ప్రతికూల వాతావరణ పరిస్థితుల కారణంగా గ్లోబల్ విలేజ్ జనవరి 7న కూడా మూసివేసిన విషయం తెలిసిందే. బాగా ప్రాచుర్యం పొందిన గ్లోబల్ విలేజ్ ను ప్రతి సంవత్సరం మిలియన్ల మంది సందర్శిస్తారు.