యూఏఈ: పోటీతత్వంలో ప్రపంచవ్యాప్తంగా 12వ ర్యాంక్‌లో ఉన్న యూఏఈ.. తన వ్యాపార వాతావరణ ఆకర్షణను మరింతగా పెంచడానికి కొనసాగుతున్న డ్రైవ్‌లో భాగంగా 14 సేవలకు సంబంధించిన రుసుములలో 92 శాతం తగ్గింపును ప్రకటించింది. ఒక సేవకు రుసుమును పూర్తిగా మాఫీ చేసింది. ఇవి జనవరి 1 నుండి అమల్లోకి వస్తాయని పరిశ్రమ, అధునాతన సాంకేతిక మంత్రిత్వ శాఖ (MoIAT) తెలిపింది. ఈ చర్య స్థానిక, అంతర్జాతీయ పెట్టుబడిదారులకు ఆకర్షణీయమైన వ్యాపార వాతావరణాన్ని సృష్టించడం.. యూఏఈలో వ్యాపారం చేయడానికి అయ్యే వ్యయాన్ని తగ్గించడం ద్వారా పారిశ్రామిక రంగంలో వ్యవస్థాపకత, SMEలకు మద్దతునిచ్చే లక్ష్యంతో 'మేక్ ఇన్ ది ఎమిరేట్స్' చొరవ లక్ష్యాలకు అనుగుణంగా ఉంటుందని మంత్రిత్వ శాఖ ఒక ప్రకటనలో తెలిపింది.
ఇంటర్నేషనల్ ఇన్‌స్టిట్యూట్ ఫర్ మేనేజ్‌మెంట్ డెవలప్‌మెంట్ (IMD) విడుదల చేసిన గత ప్రపంచ పోటీతత్వ ర్యాంకింగ్ లో UAE ప్రపంచవ్యాప్తంగా 12వ స్థానంలో.. మేనా ప్రాంతంలో మొదటి స్థానంలో ఉంది. 100కి 88.67 స్కోర్‌తో ప్రపంచ బ్యాంక్ డూయింగ్ బిజినెస్ రిపోర్ట్‌లో UAE 16వ స్థానంలో ఉంది. అరబ్ దేశాలలో మొదటి స్థానంలో ఉంది. సేవా రుసుము తగ్గింపు ఉద్గారాలను తగ్గించి, వాణిజ్య రంగం సర్క్యులారిటీని పెంచే అధునాతన సాంకేతిక పరిజ్ఞాన విస్తరణను ప్రోత్సహించడం ద్వారా స్థిరమైన పరిశ్రమలను ప్రోత్సహిస్తుందని మంత్రిత్వ శాఖ పేర్కొంది.
2023ని సస్టైనబిలిటీ ఇయర్‌గా ప్రకటించిన నేపథ్యంలో నిర్దిష్ట కన్ఫర్మిటీ అసెస్‌మెంట్ ప్రొవైడర్ నుండి ప్రొడక్ట్ కన్ఫర్మిటీ సర్టిఫికేట్‌లను జారీ చేసే రుసుము Dh1,000 నుండి Dh670కి పడిపోతుంది.ఇతర పదునైన తగ్గింపులలో ఐచ్ఛిక ఉత్పత్తుల కోసం కన్ఫర్మిటీ సర్టిఫికేట్ కోసం Dh3,700 నుండి Dh1,720 వరకు; ఎమిరేట్స్ క్వాలిటీ మార్క్‌ని ఉపయోగించడానికి లైసెన్స్ Dh26,000 నుండి Dh2,000 వరకు; జాతీయ హలాల్ గుర్తును ఉపయోగించడానికి లైసెన్సింగ్ Dh18,000 నుండి Dh2,000 వరకు ఉన్నది. ఎమిరేట్స్ క్వాలిటీ మార్క్, జాతీయ హలాల్ మార్క్ పరిధిని Dh2,500 నుండి Dh250కి విస్తరించారు. కన్ఫర్మిటీ అసెస్‌మెంట్ బాడీల నోటిఫికేషన్ కోసం ఫీజులు Dh33,000 నుండి Dh24,500కి, రిజిస్టర్ కన్ఫార్మిటీ అసెస్‌మెంట్ బాడీలను Dh7,500 నుండి Dh5,000కి తగ్గించబడ్డాయి. MoIAT అండర్ సెక్రటరీ ఒమర్ అల్ సువైదీ మాట్లాడుతూ.. చట్టబద్ధమైన ఫ్రేమ్‌వర్క్ సౌలభ్యాన్ని పెంపొందించడానికి, దాని వినియోగదారులకు అదనపు విలువను అందించడానికి మంత్రిత్వ శాఖ నిబద్ధతకు అనుగుణంగా ఈ చర్య తీసుకున్నట్లు చెప్పారు. ఫీజుల తగ్గింపు ఆర్థిక వ్యవస్థ, వ్యాపార అభివృద్ధిలో వృద్ధి ద్వారా UAE పోటీతత్వాన్ని మెరుగుపరుస్తుందన్నారు.ఇది వ్యాపారం చేయడం సులభతరం చేసే సూచికను ప్రతిబింబిస్తుందని అల్ సువైది అన్నారు.