యూఏఈ: కోవిడ్-19 పరిమితుల సడలింపుతో  ప్రయాణికుల కోసం మరిన్ని విమాన సర్వీసులు ప్రారంభం అవుతున్నాయి. ఇందులో భాగంగా ఎతిహాద్ ఎయిర్‌వేస్ మార్చి 26, 2023 నుండి అబుధాబి నుండి కోల్‌కతాకు రోజువారీ విమానాలను నడుపుతున్నట్లు ప్రకటించింది. భారత్ లోని కోల్ కతాకు వారంలో ఏడు రోజులపాటు విమాన సర్వీసులు ప్రయాణికులకు అందుబాటులో ఉంటాయని ఎతిహాద్ వెల్లడించింది. అలాగే, అబుధాబి- డ్యూసెల్డార్ఫ్( జర్మనీ), అబుధాబి-కోపెన్‌హాగన్‌కు విమానాలు నడుపనున్నట్లు తెలిపింది.  దుబాయ్‌కి చెందిన విమానయాన సంస్థ ఫ్లైదుబాయ్ జూన్ 23 నుండి 10 కొత్త గమ్యస్థానాలకు విమానాలను నడపనున్నట్లు ప్రకటించింది. ఎయిర్ అరేబియా మార్చి 20, 2023 నుండి మలేషియా రాజధాని కౌలాలంపూర్‌కు నేరుగా విమానాలను ప్రారంభించనుంది. షార్జా అంతర్జాతీయ విమానాశ్రయం నుండి వారానికి మూడు విమాన సర్వీసులు అందుబాటులో ఉంటాయి. ఆస్ట్రేలియాలోని సిడ్నీ, మెల్బోర్న్ అనే రెండు ప్రధాన నగరాలకు తన సేవలను విస్తరించినట్లు ఎమిరేట్స్ వెల్లడించింది.