ఓటీటీ ఆహా వేదికగా బాలకృష్ణ తనలోని స్పెషల్ టాలెంట్‌ని బయటికి తీసిన సంగతి తెలిసిందే. హోస్ట్‌గా తనదైన శైలిలో ఈ టాక్ షోని రక్తి కట్టిస్తున్నారు బాలయ్య. సినీ, రాజకీయ ప్రముఖులను ఈ షోలో భాగం చేస్తూ, అభిమానుల్ని అలరిస్తున్నారు.
తాజాగా పవన్ కళ్యాణ్‌తో బాలయ్య చేసిన ఎపిసోడ్ అందరిలోనూ ఆసక్తి కనబరిచింది. ఆల్రెడీ షూటింగ్ జరుపుకున్న ఈ ఎపిసోడ్ ఎప్పుడెప్పుడు టెలికాస్ట్ అవుతుందా.? అని ఎదురు చూస్తున్నారు.
ఈ టైమ్‌లో గుడ్ న్యూస్ వచ్చింది. ఫిబ్రవరి 3న పవన్ ఎపిసోడ్ ప్రసారం కానున్నట్లు తెలుస్తోంది. రెండు భాగాలుగా టెలికాస్ట్ చేయనున్న ఈ ఎపిసోడ్ మొదటి భాగం డేట్ మాత్రమే ఫిక్స్ చేశారట. రెండో భాగం ఎప్పుడనేది తెలియాల్సి వుంది. పవన్ సినిమాలూ, రాజకీయాలకు సంబంధించి పలు ఆసక్తికరమైన ప్రశ్నలు ఈ టాక్ షో ద్వారా బాలయ్య, పవన్‌ని అడిగి తెలుసుకున్నారని ప్రోమోల ద్వారా అర్ధమవుతోంది.