రియాద్: సౌదీ అరేబియాలో ప్రధాన ప్రమాదాలు 6.8% తగ్గాయని ట్రాఫిక్ భద్రత మంత్రిత్వ కమిటీ ప్రకటించింది. 2022లో 17 వేల ప్రమాదాలు మాత్రమే నమోదు కాగా..  2021లో 18 వేల ప్రమాదాలు నమోదయ్యాయి. 2022 సంవత్సరానికి సంబంధించిన ట్రాఫిక్ సేఫ్టీ ఫైల్ ఫలితాలను ఇన్ఫోగ్రాఫిక్‌లో కమిటీ వెల్లడించింది. కారు ప్రమాదాల వల్ల సంభవించే మరణాల శాతం 2.1% తగ్గింది. 2021లో 4.6 వేలుగా ఉన్నా మరణాలు.. 2022లో 4.5 వేలకు తగ్గాయి. అదే సమయంలో ప్రమాదాల తరువాత దెబ్బతిన్న వాహనాల సంఖ్య 28% పెరిగింది. 2022లో కారు ప్రమాదాల వల్ల గాయపడ్డ వారి సంఖ్య 2.7% తగ్గింది. 2021తో 25 వేల మందికి గాయాలు కాగా, 2022లో 24 వేల మందికి గాయాలు అయినట్లు కమిటీ తెలిపింది.