మస్కట్: 2022 సంవత్సరంలో ప్రైవేట్ రంగంలోని కార్మికులకు సంబంధించి కార్మిక మంత్రిత్వ శాఖకు 24,000 కంటే ఎక్కువ  ఫిర్యాదుల వచ్చాయని కార్మిక మంత్రిత్వ శాఖలోని వేతనాల రక్షణ కార్యక్రమ బృందం సభ్యుడు, ప్రొఫెసర్ సైఫ్ బిన్ సలేం అల్ జాబీ వెల్లడించారు. 13,500 కంటే ఎక్కువ ఫిర్యాదులు(57%) నేరుగా వేతనాలకు సంబంధించినవి అని అల్-జాబీ "విత్ ది యూత్" కార్యక్రమంలో తెలిపారు. కార్మిక మంత్రిత్వ శాఖ వేతన రక్షణ విధానాన్ని పూర్తి స్థాయిలో అమలు చేయడంతో కార్మిక మంత్రిత్వ శాఖకు వేతనాలకు సంబంధించిన ఫిర్యాదులు పెరిగాయని వెల్లడించారు. కార్మిక చట్టం నిర్దేశించిన సమయంలో.. అంగీకరించిన మేరకు కార్మికుడు తన వేతనాలను అందుకోవడానికి ఈ వ్యవస్థ దోహదపడుతుందని అల్-జాబీ తెలిపారు. సాంఘిక బీమాలో జాతీయ శ్రామిక శక్తి నమోదును నిర్ధారించడం,   చెల్లింపులను నిర్ధారించడంతోపాటు చట్టపరమైన పరిశోధకులకు వేతన బదిలీ డేటాను అందించడం ద్వారా వేతనాలకు సంబంధించిన కార్మిక వివాదాల పరిష్కారానికి కూడా ఈ వ్యవస్థ దోహదం చేస్తుందని వివరించారు. వేతన రక్షణ కార్యక్రమం ప్రైవేట్ రంగ కార్మికుల వేతనాల  ఖచ్చితమైన డేటాబేస్‌ను రూపొందించడం, సెంట్రల్ బ్యాంక్ ద్వారా కార్మికుల బ్యాంక్ ఖాతాలలో మార్పిడి కదలికను అనుసరించడం ద్వారా వేతనాల చెల్లింపుకు సంబంధించిన కార్యకలాపాలను పర్యవేక్షించడం లక్ష్యంగా పెట్టుకుందన్నారు. కార్మిక మంత్రిత్వ శాఖ, సెంట్రల్ బ్యాంక్ ఆఫ్ ఒమన్ మధ్య ఈ ఉమ్మడి కార్యక్రమం కార్మిక చట్టంలోని ఆర్టికల్ (53) ద్వారా అమలులోకి వస్తుందని అల్-జాబీ తెలిపారు.