యూఏఈ: వాతావరణం పాక్షికంగా మేఘావృతమై, ధూళిగా ఉంటుందని, పొగమంచు వచ్చే అవకాశం ఉందని నేషనల్ సెంటర్ ఆఫ్ మెటియరాలజీ (NCM) అంచనా వేసింది. ముఖ్యంగా రాత్రి సమయంలో, తెల్లవారుజామున తేమ అధికంగా ఉంటుందని తెలిపింది. కొన్ని తీరప్రాంతాలు, అంతర్గత ప్రాంతాలలో పొగమంచు భారీగా ఏర్పడ వచ్చని పేర్కొంది. తేలికపాటి నుండి మోస్తరు చల్లని గాలులు వీస్తాయని ఎన్సీఎం వెల్లడించింది. అబుధాబిలో గరిష్ట ఉష్ణోగ్రత 28°C, దుబాయ్‌లో 29°C ఉష్ణోగ్రతలు నమోదు కాగా.. ఎమిరేట్స్‌లో వరుసగా 17°C, 18°C కనిష్ట ఉష్ణోగ్రతలు రికార్డు అయినట్లు ఎన్సీఎం తెలిపింది. అరేబియా గల్ఫ్ ప్రాంతం ఉత్తరం నుండి వచ్చే చల్లని గాలుల కారణంగా ఫిబ్రవరి నెలంతా సాధారణంగా ఉష్ణోగ్రతలు పడిపోతూనే ఉంటాయని తన నివేదికలో ఎన్సీఎం పేర్కొంది.