జి.వి. ప్రకాశ్‌కుమార్‌, శ్రీదివ్య జంటగా నటించిన 'పెన్సిల్‌' చిత్రం ఈ నెల 13న ప్రేక్షకుల ముందుకు రానుంది. ఈ విషయాన్ని చిత్ర బృందం సోషల్‌మీడియా ద్వారా తెలిపింది. తెలుగు, తమిళంలో ఏకకాలంలో తెరకెక్కించిన ఈ చిత్రానికి మణి నాగరాజ్‌ దర్శకత్వం వహించారు. హరి వేంకటేశ్వర పిక్చర్స్‌ పతాకంపై ఎం. పురుషోత్తం ఈ చిత్రాన్ని సమర్పిస్తున్నారు. జి.వి. ప్రకాశ్‌కుమార్‌ సంగీతం అందించారు. షరీఖ్‌ హాసన్‌, వి.టి.వి గణేశ్‌, వూర్వశి, టి.పి. గజేంద్రన్‌, అభిషేక్‌ శంకర్‌, రవి ప్రకాశ్‌ తదితరులు చిత్రంలో కీలక పాత్రలు పోషించారు.