కొత్త దర్శకులతో సినిమాలు చేస్తే, ఎనర్జిటిక్‌గా వుంటుందనీ, ట్రెండీ కంటెంట్ వస్తుందనీ విశ్వసించే హీరోల్లో నాగార్జున మొదటి స్థానంలో వుంటారు. అలా కింగ్ ద్వారా చాలా మంది యువ దర్శకులు ఇండస్ట్రీకి పరిచయమయ్యారు. 

తాజాగా ఆయన మరో యంగ్‌స్టర్‌ని డైరెక్టర్‌గా ఇంట్రడ్యూస్ చేయబోతున్నాడు. రచయితగా మంచి ఎక్స్‌పీరియన్స్ వున్న ప్రసన్న కుమార్ బెజవాడకు నాగార్జున ఛాన్సిచ్చాడు. రీసెంట్‌గా వచ్చిన ‘ధమాకా’ సినిమాకి రచయితగా పని చేశాడీ ప్రసన్నకుమార్. 

ఓ డిఫరెంట్ స్టోరీతో నాగార్జునను ఇంప్రెస్ చేశాడట ఈ కుర్ర రచయిత. దాంతో, సినిమా వర్కవుట్ చేద్దామని మాటిచ్చాడట నాగ్. ఈ నెలలోనే ఈ ప్రాజెక్ట్ పట్టాలెక్కనుందని తెలుస్తోంది. వచ్చే నెల నుంచి రెగ్యలర్ షూట్ మొదలు పెట్టనున్నారట. ఈ సినిమాలో హీరోయిన్‌గా మృణాల్ ఠాకూర్ పేరు ప్రచారంలో వుంది.