పుట్టగొడుగులు లేదా మష్రూమ్స్ ఆరోగ్యానికి చాలా మేలు చేస్తాయన్న విషయం చాలా మందికి తెలియవు. పుట్టగొడుగులపై పలు రకాల అనుమానాలున్నాయ్. సరైన అవగాహన లేకపోవడమే ఆ అనుమానాలకు కారణం.
కానీ, పుట్టగొడుగులు ఆరోగ్యానికి చాలా మేలు చేస్తాయని నిపుణులు చెబుతున్నారు. పుట్టగొడుగుల్లో ‘డి’ విటమిన్ శాతం అధికంగా వుంటుంది. అది వ్యాధి నిరోధకతను పెంచడంలో తోడ్పడుతుంది. 
అలాగే బీపీ, షుగర్లు నియంత్రణలో వుంచేందుకు కూడా పుట్టగొడుగులు ఉపయోగపడతాయ్. ఊబకాయంతో బాధపడేవారు పుట్టగొడుగులు తరచూ తీసుకోవడం వల్ల పలితం వుంటుందట.
అలాగే, మాంసాహారం తినని వారికి పుట్టగొడుగులు తీసుకుంటే, శరీరానికి మాంషాహారం తీసుకున్నంత మేలు కలుగుతుందట. పుట్టగొడుగుల్లో ఎర్గోథియనిస్, గ్లుటాథియోన్ అనే యాంటీ ఆక్సిడెంట్లు మన శరీరంలోని చెడు కణాల్ని తొలిగించేస్తాయ్. తద్వారా సీజనల్ వైరస్‌ల బారి నుంచి తప్పించుకునే అవకాశం వుంటుంది. వారానికి కనీసం రెండు సార్లయినా పుట్టగొడుగుల్ని ఆహారంగా తీసుకుంటే, కిడ్నీ తదితర పెద్ద ఆరోగ్య సమస్యల నుంచి కూడా ఉపశమనం పొందొచ్చునని సంబంధిత నిపుణులు చెబుతున్నారు.