మెగాస్టార్ చిరంజీవి ప్రస్తుతం ‘భోళా శంకర్’ సినిమాని పూర్తి చేసే పనిలో బిజీగా వున్నారు. సిస్టర్ సెంటిమెంట్‌తో తెరకెక్కుతోన్న ఈ సినిమాలో కీర్తి సురేష్ చిరంజీవికి చెల్లెలి పాత్రలో కనిపిస్తోంది. తమన్నా హీరోయిన్‌గా నటిస్తోంది.
ఏప్రిల్ 14న ఈ సినిమా ప్రేక్షకుల ముందుకు వచ్చేందుకు స్లాట్ బుక్ చేసుకున్న సంగతి తెలిసిందే. అయితే, అదే స్లాట్‌కి అఖిల్ నటించిన ‘ఏజెంట్’ మూవీ రిలీజ్‌కి సిద్ధమవుతోంది. ఒక్క హిట్, ఒకే ఒక్క హిట్.. అంటూ అఖిల్ వేయి కళ్లతో ఎదురు చూస్తున్నాడు. అలాంటప్పుడు మెగాస్టార్ చిరంజీవితో బరిలోకి దిగితే నెగ్గడం చాలా చాలా కష్టం.
కనుక, చిరంజీవిని తన సినిమా పోస్ట్ పోన్ చేసుకోమని నాగార్జున కోరుతున్నాడట. అసలే ‘భోళా శంకరుడు’ కదా.. అఖిల్ కోసం వెనక్కి తగ్గాలనే అనుకుంటున్నాడట. బహుశా మేలో ‘భోళా శంకర్’ రిలీజ్ వుండొచ్చని అంటున్నారు.
అయితే, ఇదంతా జస్ట్ ప్రచారం మాత్రమే. ఈ ప్రచారం ఎంత నిజమో తెలియాలంటే, అధికారికంగా ప్రకటన రావల్సి వుంది.