మస్కట్: డైరెక్టరేట్ జనరల్ ఆఫ్ ఎంక్వైర్స్ అండ్ క్రిమినల్ ఇన్వెస్టిగేషన్స్ రూపొందించిన గణాంకాల ప్రకారం.. మానవ అక్రమ రవాణాలో ఒమన్ సుల్తానేట్ నేర స్థాయి చాలా తక్కువగా ఉందని రాయల్ ఒమన్ పోలీస్ (ROP)  డైరెక్టరేట్ జనరల్ ఆఫ్ ఎంక్వైరీస్ అండ్ క్రిమినల్ ఇన్వెస్టిగేషన్స్‌లో హ్యూమన్ ట్రాఫికింగ్ విభాగం అధిపతి కెప్టెన్ ఖలీద్ బిన్ అలీ తబుక్ వెల్లడించారు. 2022లో రాయల్ ఒమన్ పోలీస్‌లో ఈ తరహా కేసులు 7 నమోదయ్యాయని, వివిధ గవర్నరేట్‌ల నుంచి మానవ అక్రమ రవాణాపై అనుమానాలపై డిపార్ట్‌మెంట్‌కు వచ్చిన ఫిర్యాదుల సంఖ్య 266 కంటే ఎక్కువగా ఉన్నాయని, అందులో 7 నేరాలు మాత్రమే రుజువయ్యాయని కెప్టెన్ ఖలీద్ వెల్లడించారు. ప్రపంచవ్యాప్తంగా మానవ అక్రమ రవాణా నేరాలు ప్రపంచంలో మూడవ అతిపెద్ద నేరంగా ఉందని,  దానికంటే ముందు ఆయుధాల వ్యాపారం, మాదకద్రవ్యాల వ్యాపారాలు ఉన్నాయన్నారు. గ్లోబల్ స్థాయిలో ఒక క్రిమినల్ ఆర్గనైజేషన్ ద్వారా నిర్వహించబడే రహస్య వ్యవస్థీకృత నేరాలలో ఇది ఒకటని, దానిని ఎదుర్కోవడానికి తాము తీవ్రంగా కృషి చేస్తున్నట్లు కెప్టెన్ ఖలీద్ తెలిపారు. మానవ అక్రమ రవాణాను ఎదుర్కోవడానికి సంబంధించిన అంతర్జాతీయ,  ప్రాంతీయ ఒప్పందాల ప్రకారం ఈ సమస్యను పరిష్కరించడానికి నేషనల్ కమిటీ ఫర్ కంబాటింగ్ హ్యూమన్ ట్రాఫికింగ్ పని చేస్తందన్నారు.