యూఏఈ: 72 ఏళ్ల వ్యక్తిని కారుతో ఢీకొట్టి పారిపోయిన 26 ఏళ్ల అరబ్ వాహనదారుడిని కేవలం మూడు గంటల్లోనే రస్ అల్ ఖైమా పోలీసులు అరెస్టు చేశారు. పోలీసులు కథనం ప్రకారం.. ట్రాఫిక్ కంట్రోల్ డిపార్ట్‌మెంట్ ఆపరేటింగ్ రూమ్‌కు గురువారం ఉదయం 5.55 గంటలకు నివాస ప్రాంతంలో ప్రమాదం జరిగినట్లు నివేదిక అందింది. అధికార యంత్రాంగం వెంటనే పోలీసు పెట్రోలింగ్, జాతీయ అంబులెన్స్ బృందాలను ప్రమాద స్థలానికి చేరుకోగా.. అప్పటికే బాధితుడు గాయాలతో మరణించాడు. చట్టపరమైన ప్రక్రియలను పూర్తి చేయడానికి బృందం మృతుడి మృతదేహాన్ని ఆసుపత్రికి తరలించారు. ప్రమాదాలపై విచారణ జరిపి హిట్ అండ్ రన్ డ్రైవర్‌ను పట్టుకునేందుకు వెంటనే ప్రత్యేక బృందాన్ని ఏర్పాటు చేశారు. ప్రమాద స్థలంలో ఉన్న నిఘా కెమెరాలు నిందితుడు ఏ దిశలో పారిపోయారో గుర్తించడానికి, ప్రమాద జరిగిన తీరును తెలుసుకునేందుకు పరిశోధకులకు సహాయపడింది. నివేదిక అందిన మూడు గంటల్లోనే డ్రైవర్‌ను అదుపులోకి తీసుకుని విచారణ చేపట్టారు. అరబ్ వ్యక్తిని పబ్లిక్ ప్రాసిక్యూటర్ కార్యాలయానికి బదిలీ చేయడానికి చట్టపరమైన చర్య తీసుకోవడానికి ప్రత్యేక అధికారులకు రిఫర్ చేశారు. ఏదైనా ట్రాఫిక్ ప్రమాదం గురించి తెలియజేయాలని ప్రజలను రస్ అల్-ఖైమా పోలీస్ జనరల్ హెడ్‌క్వార్టర్స్ కోరింది. ఇలాంటి దురదృష్టకర ప్రమాదాలు పునరావృతం కాకుండా ఉండేందుకు వాహనదారులు జాగ్రత్తగా నడపాలని, నివాస ప్రాంతాల్లో ప్రత్యేక జాగ్రత్తలు తీసుకోవాలని అధికార యంత్రాంగం కోరింది.