ఎలక్షన్స్ లోపు ఒప్పుకున్న ప్రాజెక్టులన్నీ కంప్లీట్ చేయాలి పవన్ కళ్యాణ్. చేతిలో చాలానే ప్రాజెక్టులున్నాయ్. ప్రస్తుతం ‘హరి హర వీరమల్లు’ సినిమా షూటింగ్‌తో పవన్ బిజీగా వున్నారు.
తర్వాత ‘వినోదయసితం’ సినిమా పూర్తి చేయాలి. కొన్ని రోజులు మాత్రమే డేట్స్ ఇచ్చారు ఈ సినిమా కోసం పవన్ కళ్యాణ్. అలాగే హరీష్ శంకర్ ‘ఉస్తాద్ భగత్ సింగ్’ కూడా స్టార్ట్ అయ్యింది. రెగ్యులర్ షూట్ కోసం హరీష్ శంకర్ వెయిటింగ్. ఇక ముచ్చటగా మూడోది ‘ఓజీ’. ఈ మధ్యనే ఈ సినిమా కూడా పూజా కార్యక్రమాలతో లాంఛ్ అయ్యింది.
సుజిత్ దర్శకత్వం వహిస్తున్నాడీ సినిమాకి. చూస్తుంటే, ఈ మూడు ప్రాజెక్టులూ పవన్‌ అర్జెంట్‌గా కంప్లీట్ చేయాల్సినవే. కానీ, ఏ ఒక్కటీ ఇంకా సెట్స్ మీదికి వెళ్లలేదు. ‘హరి హర వీరమల్లు’ పీరియాడిక్ డ్రామా కావడంతో, అది పూర్తి చేశాకే పవన్ ఈ సినిమాలపై దృష్టి పెడతాడో ఏమో.!