తెలుగమ్మాయిలకు టాలీవుడ్‌లో చిన్న చూపు, తమిళ నాట పెద్ద పీట వేయడం మామూలే. అలాగే, తమిళ నటి వరలక్ష్మి శరత్ కుమార్‌కి తెలుగులో మంచి ఆదరణ దక్కుతోంది. తమిళంలో ఒకప్పుడు హీరోయిన్‌గా మంచి పేరు తెచ్చుకున్న వరలక్ష్మి శరత్ కుమార్ ఇప్పుడు ప్రత్యేక పాత్రలకు మాత్రమే పరిమితమైంది.
తెలుగులో పవర్ ఫుల్ లేడీ విలన్ రోల్స్‌కి పెట్టింది పేరుగా మారింది వరలక్ష్మి శరత్ కుమార్. రీసెంట్‌గా ‘వీర సింహారెడ్డి’ సినిమాలో బాలయ్యకు ధీటైన పాత్రలో కనిపించి పేరు కొట్టేసింది. అలాగే మరిన్ని మంచి పాత్రలు వస్తున్నాయని చెబుతోంది.
తెలుగులో వరుసగా సినిమాలు చేయాలని ఆశపడుతున్నాననీ, తెలుగు ప్రేక్షకుల అభిమానానికి ఎప్పుడూ రుణపడి వుంటాననీ చెబుతోంది. ప్రస్తుతం ఓ కన్నడ సినిమాలోనూ వరలక్ష్మి నటిస్తోంది.