యూఏఈలో రమదాన్  ఉపవాసం అతి ఎక్కువ సమయం ఉండబోతున్నట్లు డిపార్ట్‌మెంట్‌ ఆఫ్‌ ఇస్లామిక్‌ ఎఫైర్స్‌ అండ్‌ ఛారిటబుల్‌ యాక్టివిటీస్‌ హెడ్‌ అష్రాఫ్‌ నౌరుల్‌ హక్‌ చెప్పారు. రమదాన్ మాసంలో సరాసరి ఉష్ణోగ్రతలు 43 డిగ్రీల సెంటీగ్రేడ్‌ ఉండనుంది. రంజాన్‌ మాసమంతా సగటున 15 గంటలు ప్రతిరోజూ ఉపవాసం ఉంటుందని ఆయన వివరించారు. రమదాన్ తొలి పది రోజుల్లో పగటి ఉష్ణోగ్రతలు 42 డిగ్రీల సెంటిగ్రేడ్‌ ఉంటాయనీ, రాత్రి వేళ వాతావరణం ప్రశాంతంగా ఉంటుందని చెప్పారాయన. ఆ తర్వాతి పది రోజుల్లో 43 డిగ్రీల సెంటీగ్రేడ్‌ ఉష్ణోగ్రతతో వడగాల్పులు వీచే అవకాశం ఉంది. చివరిపది రోజుల్లో 44 డిగ్రీల సెంటీగ్రేడ్‌ వరకు ఉష్ణోగ్రతలు పెరుగుతాయనీ, తీవ్రమైన వడగాల్పులకు తోడు, ఇసుక తుఫాన్లు ఉంటాయని వెల్లడించారు. ఉపవాసం ప్రారంభించడానికి ముందు ఆరోగ్యకరమైన ఆహారం తీసుకోవాలనీ, స్పైసీ ఫుడ్‌ తగ్గించి ఫ్లూయిడ్స్‌ ఎక్కువ తీసుకోవాలని ఆయన సూచించారు. జూన్‌ 6 నుంచి ప్రారంభమయ్యే రమదాన్  జులై 5తో ముగుస్తుంది.