కువైట్: కువైట్ టవర్లు, గ్రీన్ ఐలాండ్ ప్రాంతాలతో సహా అరేబియా గల్ఫ్ స్ట్రీట్ వెంబడి డ్రోన్ కెమెరాల వినియోగంపై ఫిబ్రవరి 20 నుండి మార్చి 1 వరకు నిషేధం విధిస్తున్నట్లు అంతర్గత మంత్రిత్వ శాఖ ప్రకటించింది. ముందస్తు భద్రతా చర్యల్లో భాగంగా  డ్రోన్ ఫోటోగ్రఫీని నిషేధించినట్లు తెలిపింది. ప్రదర్శనలలో పాల్గొనే మానవరహిత వైమానిక వాహనాల (UAVలు) రేడియో ఫ్రీక్వెన్సీలలో జోక్యాన్ని నివారించే చర్యలలో భాగంగా డ్రోన్ ఫోటోగ్రఫీపై నిషేధం విధించినట్లు వెల్లడించింది. మంత్రిత్వ శాఖ నిర్ణయానికి అందరూ కట్టుబడి ఉండాలని కోరింది.