ఈ మధ్య రెజీనా సినిమాల్లో కనిపించకపోయినా వెబ్ సిరీస్‌లతో వరుసగా ఓటీటీ ప్రేక్షకుల్ని మెప్పించింది. ఆమె నటించిన రెండు వెబ్ సిరీస్‌లు మంచి ఆదరణ దక్కించుకున్నాయ్ ఓటీటీలో. 

అయితే, తాజాగా రెజీనా నటించిన కొత్త సినిమా ‘నేనేనా’ తెరపైకి వచ్చింది. ఎప్పుడో ప్రారంభమైన ఈ సినిమా ఇప్పటికీ రిలీజ్ డేట్‌కి నోచుకోలేదు. అయితే, త్వరలోనే రిలీజ్ డేట్ ఫిక్స్ చేసుకోబోతోందని తెలుస్తోంది.

రెజీనా ప్రధాన పాత్రలో కార్తీక్ రాజు ఈ సినిమాని తెరకెక్కించారు. పురావస్తు శాస్ర్తవేత్తగా ఈ సినిమాలో రెజీనా కనిపించబోతోంది. కొన్ని ప్రత్యేకమైన పురాతన వస్తువులను వెలికి తీసే క్రమంలో ఎదురైన అనూహ్య సంఘటనలను రెజీనా ఎలా ఎదుర్కొంది.? అనే కథనంతో ఆసక్తిగా ఈ సినిమా తెరకెక్కింది. వేసవిలో సినిమా ప్రేక్షకుల ముందుకు వచ్చే అవకాశాలున్నాయ్.