భలే ఛాన్సులే.. లక్కీ ఛాన్సులే.. అని పాటేసుకుంటోందట ప్రియా ప్రకాష్ వారియర్. అదేనండీ..! కన్ను గీటు వీడియోతో రాత్రికి రాత్రే తెగ పాపులర్ అయిపోయిన వింక్ పిల్ల ప్రియా ప్రకాష్ వారియర్.

పవన్ కళ్యాణ్ నటిస్తున్న ‘వినోదయ సితం’ సినిమాలో ఛాన్స్ దక్కించుకుంది. ఈ సినిమాలో పవన్‌తో పాటూ మేనల్లుడు సాయి ధరమ్ తేజ్ కూడా నటిస్తున్న సంగతి తెలిసిందే.

ఆల్రెడీ తేజు కోసం కేతిక శర్మ జోడీ కుదిరింది. ఇక, పవన్ కళ్యాణ్‌కి జోడీగా ప్రియా ప్రకాష్ వారియర్ పేరును తాజాగా మేకర్లు ప్రకటించారు. పవన్ సరసన నటించే ఛాన్స్ కొట్టేయడంపై అంతా ఆశ్చర్యం వ్యక్తం చేస్తున్నారు. 

తమిళ మూవీకి తెలుగు రీమేక్‌గా రూపొందుతోన్న ఈ సినిమాకి ‘దేవర’ అనే పేరు పరిశీలిస్తున్నారు. ఒరిజినల్ డైరెక్టర్ సముద్రఖని తెరకెక్కిస్తున్నారు. ప్రస్తుతం శరవేగంగా షూటింగ్ జరుపుకుంటోంది ఈ సినిమా.