మాస్ రాజా రవితేజ ‘రావణాసుర’ అవతారమెత్తిన సంగతి తెలిసిందే. అదేనండీ.. రవితేజ కొత్త సినిమా టైటిల్ రావణాసుర. సుధీర్ వర్మ దర్శకత్వంలో తెరకెక్కుతోన్న సినిమా ఇది. లేటెస్టుగా ఈ సినిమా షూటింగ్ కంప్లీట్ చేసేశాడు మాస్ రాజా.

ఈ సినిమా కోసం మాస్ రాజా ఏకంగా ఒక్కరు కాదు, ఇద్దరు కాదు.. ఏకంగా ఐదుగురు ముద్దుగుమ్మలతో జత కడుతున్నాడు. అందులో మెయిన్ లీడ్ హీరోయిన్‌గా అనూ ఇమ్మాన్యుయేల్ నటిస్తుండగా, మేఘా ఆకాష్ మరో హీరోయిన్‌గా నటిస్తోంది. 

‘జాతి రత్నాలు’ ఫేమ్ ఫరియా అబ్ధుల్లా, తెలుగమ్మాయ్ పూజిత పొన్నాడ కూడా ఈ సినిమా కోసం రవితేజతో ఆన్ స్ర్కీన్ రొమాన్స్‌ చేస్తున్నారు. అలాగే, ‘జాంబిరెడ్డి’ ఫేమ్ దక్ష నగార్కర్ సైతం రవితేజ పక్కన హీరోయిన్‌గా ఛాన్స్ కొట్టేసింది ఈ సినిమా కోసం. ఇలా ఐదుగురు ముద్దుగుమ్మలతో ఆన్ స్ర్కీన్ రొమాన్స్ చేస్తున్న మాస్ రాజా ‘రావణాసుర’తో ఎలాంటి మ్యాజిక్ చేయబోతున్నాడో చూడాలి మరి.