రియాద్: పవిత్ర రమదాన్ మాసంలో సౌదీ అరేబియాలో సగటు కంటే అధిక ఉష్ణోగ్రతలు నమోదు అవ్వడంతోపాటు పలు ప్రాంతాలలో వర్షాలు పడనున్నాయి. మార్చి 23 నుండి ఏప్రిల్ 20 వరకు పవిత్ర రమదాన్ మాసంలో వాతావరణ పరిస్థితులపై నేషనల్ సెంటర్ ఆఫ్ మెటియోరాలజీ (NCM) నివేదిక సమర్పించింది. రాజ్యంలోని చాలా ప్రాంతాలలో రమదాన్ లో సగటు ఉష్ణోగ్రత పెరుగుతుందని నివేదిక తెలిపింది. మదీనా, మక్కా, అసిర్, జజాన్, టబుక్, నార్తర్న్ బోర్డర్స్ రీజియన్‌లోని కొన్ని ప్రాంతాలు, అల్-జౌఫ్ ప్రాంతాలు, ఈశాన్య ప్రాంతాలలో సగటు ఉష్ణోగ్రత ఒకటిన్నర డిగ్రీల సెల్సియస్ వరకు పెరుగుతుందని ఎన్సీఎం అంచనా వేసింది. అదే సమయంలో రమదాన్ సమయంలో రాజ్యంలో చాలా ప్రాంతాలలో సాధారణ వర్షపాతం కంటే ఎక్కువగా వర్షం కురుస్తుందని నివేదిక తెలిపింది. పవిత్ర మాసం మొదటి వారంలో ముఖ్యంగా రియాద్, హేల్, ఖాసిమ్, అల్-జౌఫ్, ఉత్తర సరిహద్దుల ప్రాంతం, మక్కా, అసిర్, జజాన్ ప్రాంతాలలోని కొన్ని ప్రాంతాలలో సగటు కంటే ఎక్కువ వర్షపాతం నమోదు అవుతుందని నివేదికలో పేర్కొన్నారు.