మస్కట్‌: మస్కట్‌ గవర్నరేట్‌లోని విలాయత్‌ ఆఫ్‌ సీబ్‌లో నిర్మాణంలో ఉన్న ఓ హోటల్‌లో అగ్నిప్రమాదం జరిగింది. సమాచారం అందుకుని సంఘటనా స్థలానికి చేరుకున్న సివిల్‌ డిఫెన్స్‌ అండ్‌ అంబులెన్స్‌ అథారిటీ (సీడీఏఏ) ఫైర్ ఫైటర్స్ మంటలను అదుపులోకి తీసుకొచ్చారు. మంటలను ఆర్పేందుకు అగ్నిమాపక సిబ్బంది కష్టపడినట్లు సీడీఏఏ తెలిపింది. ఈ ఘటనలో ఎవరికీ గాయాలు కాలేదని వెల్లడించింది. ప్రమాదానికి గల కారణాలపై విచారణ కొనసాగుతుందని అధికారులు తెలిపారు.