విజయవాడ రైల్వేస్టేషన్‌లో ఉచిత వైఫై సేవలు అందుబాటులోకి వచ్చాయి. రైల్వేశాఖ మంత్రి సురేశ్‌ ప్రభు దిల్లీ నుంచి ఆన్‌లైన్‌ ద్వారా ఈ సేవలను ప్రారంభించారు. రైల్వేస్టేషన్‌కు వచ్చే ప్రయాణికులు ఎంతసేపైనా ఉచితంగా వైఫై సౌకర్యం పొందవచ్చని విజయవాడ డీఆర్‌ఎం అశోక్‌కుమార్‌ తెలిపారు. విజయవాడతో పాటు గుంటూరు, తిరుపతి రైల్వేస్టేషన్లలో ఈ సౌకర్యాన్ని ప్రారంభించనున్నట్లు రైల్‌సెల్‌ అధికారులు తెలిపారు. నరేంద్రమోదీ చేపట్టిన డిజిటల్‌ ఇండియా కార్యక్రమంలో భాగంగా రైల్వేస్టేషన్లలో ఉచిన వైఫై సేవలు ప్రారంభించినట్లు పేర్కొన్నారు.