జక్కన్న పేరు వినబడగానే గుర్తొచ్చే దర్శకుడు ఎస్‌ఎస్‌.రాజమౌళి. కానీ సునీల్‌ కథానాయకుడిగా 'జక్కన్న' పేరుతో ఓ సినిమా రూపొందుతోంది. తాజాగా ఈ సినిమా షూటింగ్‌ పూర్తయింది. ఇదే విషయాన్ని సోషల్‌ మీడియా ద్వారా తెలియజేస్తూ చిత్రంలోని కొన్ని వర్కింగ్‌ స్టిల్స్‌ను హీరో సునీల్‌ పోస్ట్‌ చేశారు. జూన్‌ నెల మూడో వారంలో ఈ చిత్రం ప్రేక్షకుల ముందుకు రానున్నట్లు ఆయన పేర్కొన్నారు.
సునీల్‌ సరసన మన్నార్‌ చోప్రా కథానాయికగా నటిస్తోంది. వంశీకృష్ణ దర్శకత్వం వహిస్తున్న ఈ చిత్రాన్ని ఆర్‌పీఏ క్రియేషన్స్‌ పతాకంపై సుదర్శన్‌ రెడ్డి నిర్మించారు. మార్చి నెలలో ఈ చిత్రం ఫస్ట్‌లుక్‌ను సునీల్‌ విడుదల చేశారు.