మహేశ్‌బాబు కథానాయకుడిగా నటించిన 'బ్రహ్మోత్సవం' చిత్ర ఆడియో వేడుక కార్యక్రమం ఘనంగా జరిగింది. ఈ ఆడియో విడుదలకు మహేశ్‌బాబు తన కుటుంబసభ్యులతో కలిసి హాజరయ్యారు. ఈ కార్యక్రమానికి నవదీప్‌ వ్యాఖ్యాతగా వ్యవహరిస్తున్నారు. మహేశ్‌ కుమార్తె సితార ప్రత్యేక ఆకర్షణగా నిలిచింది. సంగీత దర్శకుడు మిక్కీ జె మేయర్‌, నిర్మాత బి.వి.ఎస్‌.ఎన్‌.ప్రసాద్‌, రావు రమేష్‌, రేవతి, సత్యరాజ్‌తో పాటు పలువురు సినీ ప్రముఖులు ఈ వేడుకకు తరలివచ్చారు. శ్రీకాంత్‌ అడ్డాల దర్శకత్వం వహించిన ఈ చిత్రంలో కాజల్‌, సమంత, ప్రణీతలు ప్రధాన పాత్రలు పోషించారు.