బీజింగ్ : దౌత్య కార్యకలాపాలను త్వరలో పునఃప్రారంభించేందుకు సౌదీ అరేబియా, ఇరాన్ అంగీకరించాయి. ఈ మేరకు బీజింగ్‌లో ఇరాన్ కౌంటర్ హోస్సేన్ అమీర్ అబ్దుల్లాహియాన్, సౌదీ విదేశాంగ మంత్రి ప్రిన్స్ ఫైసల్ బిన్ ఫర్హాన్ చారిత్రాత్మక సమావేశం తరువాత గురువారం సంయుక్త ప్రకటన విడుదల చేశారు. మార్చిలో అంగీకరించిన విధంగా రెండు నెలల వ్యవధిలో సౌదీ అరేబియా, ఇరాన్ రెండు దేశాలలో దౌత్య కార్యకలాపాలను తిరిగి తెరవడానికి ఇరు పక్షాలు అంగీకరించాయి. రియాద్,  టెహ్రాన్‌లలో తమ రాయబార కార్యాలయాలను.. జెద్దా,  మషాద్‌లోని వారి కాన్సులేట్ జనరల్‌లను తెరవడానికి అవసరమైన చర్యలను కొనసాగించడానికి ఇరుపక్షాలు అంగీకరించాయి. "విమానాల పునఃప్రారంభం, ప్రభుత్వ, ప్రైవేట్ రంగ ప్రతినిధుల ద్వైపాక్షిక సందర్శనలు, ఉమ్రా వీసాలతో సహా వీసాల జారీని సులభతరం చేయడంతో సహా రెండు దేశాల మధ్య సహకారాన్ని పెంపొందించే మార్గాలపై ఇరువైపుల సాంకేతిక బృందాలు సమన్వయం మరియు చర్చలు కొనసాగిస్తాయి" అని సంయుక్త ప్రకటన పేర్కొంది. పరస్పర విశ్వాసాన్ని పెంపొందించే విధంగా.. సహకార పరిధిని విస్తరించే విధంగా,  ఈ ప్రాంతంలో భద్రత, స్థిరత్వం, శ్రేయస్సును సాధించడంలో దోహదపడే విధంగా బీజింగ్ ఒప్పందాన్ని అనుసరించడం, అమలు చేయడం ప్రాముఖ్యతను ఇరుపక్షాలు చర్చల సందర్భంగా ప్రస్తావించారు. 2001లో సంతకం చేసిన రెండు దేశాల మధ్య ద్వైపాక్షిక సంబంధాలను బలోపేతం చేయడానికి మరియు భద్రతా సహకార ఒప్పందాన్ని యాక్టివేట్ చేయడంతోపాటు ఆర్థికం, వాణిజ్యం, పెట్టుబడి, సాంకేతికత, సైన్స్, సంస్కృతి రంగాలలో సహకారానికి సంబంధించిన సాధారణ ఒప్పందంపై చర్చించేందుకు ఇరుపక్షాలు తమ ఆసక్తిని వ్యక్తం చేశాయి. ఇరు దేశాలు కలిగి ఉన్న సహజ వనరులు, ఆర్థిక సామర్థ్యాలు, ఇద్దరు సోదర ప్రజల కోసం పరస్పర ప్రయోజనాలను సాధించడానికి గొప్ప అవకాశాలను పరిగణనలోకి తీసుకుని, సంప్రదింపుల సమావేశాలను ముందుకు తీసుకుపోవాలని నిర్ణయించాయి. సౌదీని సందర్శించి, రియాద్‌లో ద్వైపాక్షిక సమావేశాన్ని నిర్వహించమని అబ్దుల్లాహియాన్‌కు ప్రిన్స్ ఫైసల్ ఆహ్వానించారు.  అలాగే ప్రిన్స్ ఫైసల్‌ను ఇరాన్ సందర్శించాలని, టెహ్రాన్‌లో ద్వైపాక్షిక సమావేశాన్ని నిర్వహించాలని ఆహ్వానించారు. ఇరువురు ఆహ్వానాలను స్వాగతించారు.