కూరల్లో కరివేపాకు అంటే ఎంత చిన్నతనమో. అడ్డొస్తే, నిర్మొహమాటంగా తీసి పక్కన పడేస్తుంటాం. కానీ, ఆఫ్ట్రాల్ కరివేపాకే అని తీసి పడేస్తే తప్పులో కాలేసినట్లే సుమా. కరివేపాకుతో ఎన్ని ఆరోగ్య ప్రయోజనాలో తెలిస్తే అవాక్కవ్వాల్సిందే మరి.
కరివేపాకులో కార్మినేటివ్ గుణం వుంది. ఇది అజీర్తి, కడుపుబ్బరం, గ్యాస్ వంటి సమస్యల్ని దూరం చేస్తుంది. ఉదయం వచ్చే వికారాలూ, నీరసాలని తగ్గించడంలో కరివేపాకు దోహదపడుతుంది.
కరివేపాకులో క్రిమినాశక గుణాలుండడం వల్ల చర్మ గాయాలను నయం చేస్తుంది. అంతేకాదు, కాలిన గాయాలకు కరివేపాకు పేస్ట్‌ని పూతలా పూస్తే తొందరగా గాయం నయం కావడంతో పాటూ, తద్వారా వచ్చే మచ్చల్ని కూడా నియంత్రిస్తుంది.
కరివేపాకులో వుండే కార్బజోల్ ఆల్కలాయిడ్స్ కొలెస్ట్రాల్ ఆక్సీకరణను నిరోధిస్తుంది. దాంతో, చెడు కొలెస్ట్రాల్‌ని కంట్రోల్ చేయడంలో కరివేపాకు మంచి ఔషధంగా పని చేస్తుంది.
బాక్టీరియల్ ఇన్ఫెక్షన్లతో శక్తివంతంగా పోరాటం చేస్తుంది.