రామ్ చరణ్, అల్లు అర్జున్‌తో ఓ సినిమా రూపొందించాలని అల్లు అరవింద్ గతంలో తన మనసులోని మాట బయట పెట్టిన సంగతి తెలిసిందే. ఇది ఆయన డ్రీమ్ ప్రాజెక్ట్‌గా అభివర్ణించారు అల్లు అరవింద్.

అయితే, అందుకు తగ్గ సమయం రావడం లేదనీ, అందుకోసం ఎదురు చూస్తున్నట్లుగా ఆయన తెలిపారు. అలాగే, ఆ ప్రాజెక్ట్‌కి సంబంధించి ఓ టైటిల్ కూడా ఆయన రిజిస్టర్ చేయించినట్లు తెలిపారు.

తాజాగా ఈ కాంబినేషన్ నుంచి రామ్ చరణ్ తప్పుకున్నట్లు తెలుస్తోంది. అంటే, స్వతహాగా కాదండోయ్. ప్రాజెక్ట్ ఇదే. కానీ, రామ్ చరణ్ ప్లేస్‌లో ఎన్టీయార్ పేరు వినిపిస్తోంది. 

బన్నీ బర్త్ డే సందర్భంగా సోషల్ మీడియాలో అల్లు అర్జున్, ఎన్టీయార్ మధ్య బావా బావా అనే ఓ సరదా సంభాషణ జరిగింది. ఈ సంభాషణే తాజా ప్రాజెక్ట్ అంకురార్పణకు కారణమైంది. ఇది జస్ట్ గాసిప్ మాత్రమే సుమా.! వివరాలు తేలేవరకూ వెయిట్ చేయాల్సిందే.