యూఏఈ: వివిధ ఎమిరేట్‌లలో వర్షాలు కురుస్తున్నాయి. ఈ నేపథ్యంలో అధికారులు ట్రాఫిక్ నియమాలను పాటించాలని, సురక్షితంగా నడపాలని వాహనదారులను హెచ్చరిస్తున్నారు. దుబాయ్, అల్ ఐన్, రస్ అల్ ఖైమాతో సహా దేశంలోని పలు ప్రాంతాల్లో భారీ వర్షపాతం నమోదైందని జాతీయ వాతావరణ కేంద్రం (NCM) తెలిపింది. మరొవైపు MET డిపార్ట్‌మెంట్ హట్టా (దుబాయ్), ఖట్ (RAK) లలో భారీ వర్షాలు కురుస్తున్నాయని వెల్లడించాయి. ప్రమాదకర వాతావరణ పరిస్థితుల నివాసితులను హెచ్చరిస్తూ ఆరెంజ్, ఎల్లో హెచ్చరికలను జారీ చేసింది. ఈ మేరకు సోషల్ మీడియాలో రెయిన్ అలర్ట్‌లకు సంబంధించి క్లౌడ్-సీడింగ్ హ్యాష్‌ట్యాగ్‌ వైరల్ అవుతోంది.  అబుధాబి, ఫుజైరా, షార్జా ప్రాంతాల్లో మోస్తరు నుండి తేలికపాటి వర్షం నమోదు కాగా..  అల్ ఫౌహ్ - అల్ ఐన్, అల్ హియా - AL ఐన్, కల్బా – షార్జా, అల్ ఐన్ - దుబాయ్ రోడ్, అల్ మునియాయ్ - రాస్ అల్ ఖైమా, హట్టా – దుబాయ్, నహిల్ - అల్ ఐన్, అల్ బిద్య, అల్ , రయ్యా – ఫుజైరా, ఖట్ - రస్ అల్ ఖైమా, అల్ అజ్బాన్ – అబుదాబి, అల్ హలాహ్/ వాడి అబాదిలా/ దిబ్బా – ఫుజైరా, అల్ దిగ్దాగా, అల్ హమ్రానియా - రాస్ అల్ ఖైమా, సీహ్ షుయబ్ - అబుధాబి తదితర ప్రాంతాల్లో భారీ నుండి తేలికపాటి వర్షాలు కురిసాయి.  NCM ప్రకారం, ఈ అస్థిర వాతావరణం ఏప్రిల్ 14 సాయంత్రం 6 గంటల వరకు కొనసాగుతుంది.  ఈ సమయంలో బలమైన గాలులు వీచే అవకాశం ఉంది.  దీని వలన కొన్ని ప్రాంతాలలో ముఖ్యంగా పశ్చిమాన దుమ్ము, ఇసుక తుఫాన్ లు ఏర్పడే అవకాశం ఉందని వాతావరణ శాఖ అధికారులు వెల్లడించారు.