హిజ్‌ మెజాస్టీ సుల్తాన్‌ కబూస్‌ బిన్‌ సైద్‌కి చెందిన వెబ్‌సైట్‌ www.oman-qaboos.net, 'నేషనల్‌ వెబ్‌ సైట్‌ ఆఫ్‌ ది ఇయర్‌' అవార్డు ని సొంతం చేసుకుంది. వెబ్‌సైట్‌ అసిస్టెంట్‌ జనరల్‌ జూపర్‌వైజర్‌ బాదెర్‌ మొహమ్మద్‌ ఈ అవార్డుని ఒమన్‌ టెక్‌ అవార్డుల వేదికపై అందుకున్నారు. షాంగ్రి లా బార్‌ అల్‌ జిస్సా రిసార్ట్‌లో ఈ వేడుక జరిగింది. ఇన్ఫర్మేషన్‌ టెక్నాలజీ అథారిటీ ఈ అవార్డుల వేడుకను నిర్వహిస్తోంది. టెండర్‌ బోర్డ్‌ చైర్మన్‌ డాక్టర్‌ రషీద్‌ బిన్‌ అల్‌ సఫి అల్‌ హురైబి పర్యవేక్షణలో ఈ అవార్డుల కమిటీ పనిచేస్తోంది. కమ్యూనికేషన్స్‌, ఇన్ఫర్మేషన్‌, టెక్నాలజీ సెక్టార్‌లో ప్రభుత్వ సంస్థలు, అకాడమిక్స్‌, డిప్లొమాట్స్‌, మీడియా రిప్రెజెంటేటివ్స్‌ తదితర ప్రముఖులు ఈ వేడుకలో పాలుపంచుకున్నారు.