ఫేస్‌బుక్‌ సంస్థకు చెందిన మెసేజింగ్‌ యాప్‌ వాట్సాప్‌లో మరిన్ని కొత్త ఫీచర్లు రానున్నాయి. రాబోయే అప్‌డేట్స్‌లో ఇక పెద్ద పెద్ద ఫీచర్లే అందుబాటులోకి రానున్నట్లు నివేదికలు చెబుతున్నాయి. ఆ వివరాల ప్రకారం... అంతా ఎప్పటి నుంచో ఎదురు చూస్తున్న వీడియో కాలింగ్‌ తొందరలోనే వినియోగదారులకు అందుబాటులోకి రానున్నట్లు సమాచారం. ఇప్పటికే దీనికి సంబంధించిన బీటా వెర్షన్‌ ఎంపిక చేసిన కొన్ని డివైజ్‌ల్లో అందుబాటులోకి వచ్చింది. ప్రయోగాత్మకంగా ఇది విజయవంతమైతే ఇక త్వరలో సాధారణ వినియోగదారులు వాడుకోడానికి వీలు కలుగుతుంది.
నోటిఫికేషన్‌ నుంచి కాల్‌బ్యాక్‌ చేసుకునే సౌకర్యం, జిప్‌ ఫైల్‌ షేరింగ్‌, వాయిస్‌ మెయిల్‌ తదితర ఫీచర్లూ రాబోయే అప్‌డేట్‌లో అందుబాటులోకి రానున్నాయని సంస్థ ఇటీవల నివేదికల్లో వెల్లడైంది. ఇప్పటికే పీడీఎఫ్‌ షేరింగ్‌... తదితర కొత్త ఫీచర్లు వాట్సాప్‌లో కొత్తగా వినియోగంలోకి వచ్చాయి.