యూఏఈ: ఈద్ సందర్భంగా వెంటిలేషన్ లేని కారులో చిక్కుకున్న 3 ఏళ్ల బాలికకు ప్రాణాపాయం తప్పిందని వైద్యులు పేర్కొన్నారు. ఈద్ మొదటి రోజున రస్ అల్ ఖైమాలో మూసి ఉన్న కారులో వదిలివేయబడిన 3 ఏళ్ల అరబ్ బాలికను పోలీసులు గుర్తించి రక్షించిన విషయం తెలిసిందే. ఆమె తల్లిదండ్రులు ఆమెను వాహనంలో వదిలి ఈద్ శుభాకాంక్షలు తెలియజేసేందుకు వెళ్లిన సందర్భంగా ఈ ఘటన చోటుచేసుకుంది. కాగా, కారులోని ఎయిర్ కండీషనర్ పనిచేయకపోవడంతో అందులో ఉన్న చిన్నారి అపస్మారక స్థితికి చేరుకుంది. ప్రస్తుతం చిన్నారి సక్ర్ ప్రభుత్వ ఆసుపత్రిలో ఇంటెన్సివ్ కేర్ యూనిట్‌లో కోలుకుంటుందని అధికారులు తెలిపారు.