రియాద్: ప్రపంచ బ్యాంక్ లాజిస్టిక్స్ పర్ఫార్మెన్స్ ఇండెక్స్ (LPI) 2023లో సౌదీ అరేబియా 17 ర్యాంక్‌లు ఎగబాకినట్లు రవాణా, లాజిస్టిక్ సేవల మంత్రి ఇంజినీర్ సలేహ్ బిన్ నాసర్ అల్-జాసర్ ప్రకటించారు. క్రౌన్ ప్రిన్స్, ప్రధాన మంత్రి మహమ్మద్ బిన్ సల్మాన్ మద్దతు, సాధికారతలో ఈ ఘనత సాధ్యమైనట్లు అల్-జాసర్ అన్నారు. రవాణా,  లాజిస్టిక్స్ సేవల కోసం జాతీయ వ్యూహానికి అనుగుణంగా.. గ్లోబల్ లాజిస్టిక్ హబ్‌గా సౌదీ స్థానాన్ని ఏకీకృతం చేయడానికి సౌదీ అరేబియా నాయకత్వం ఆదేశాల ద్వారా ఈ వ్యవస్థ కొనసాగుతుందని ఆయన తెలిపారు. రవాణా, లాజిస్టిక్ సేవల కోసం జాతీయ వ్యూహాన్ని ప్రారంభించినప్పటి నుండి 2 సంవత్సరాలలోపు సౌదీ అరేబియా సూచికలో 17 ర్యాంక్‌ల పురోగతి సాధించిందని పేర్కొన్నారు. ప్రపంచ బ్యాంక్ లాజిస్టిక్స్ పర్ఫార్మెన్స్ ఇండెక్స్ (LPI) 2023లో  155 దేశాల లాజిస్టికల్ సామర్థ్యాల డేటా ఆధారంగా ర్యాంకులను కేటాయించారు.