కువైట్: వివిధ ట్రాఫిక్ నిబంధనల ఉల్లంఘనలకు సంబంధించి కువైట్ లో భారీగా డెలివరీ బైకులను అధికారులు సీజ్ చేశారు. మొత్తం డెలివరీ బైక్‌లపై 422 ఉల్లంఘనలను జారీ చేసినట్లు ట్రాఫిక్ విభాగం వెల్లడించింది. నియమిత లేన్‌లను పాటించకపోవడం, గడువు ముగిసిన బీమాతో డ్రైవింగ్ చేయడం, లైసెన్స్ బుక్‌ని తీసుకెళ్లకపోవడం, హెల్మెట్ ధరించకపోవడం వంటివి ఉల్లంఘనల్లో అధికంగా ఉన్నాయని తెలిపారు. సీజ్ చేసిన బైకులను ట్రాఫిక్ రిజర్వేషన్ గ్యారేజీకి తరలించినట్లు అధికారులు వెల్లడించారు.