మస్కట్: కార్మిక చట్టాలను ఉల్లంఘించి.. మస్కట్ గవర్నరేట్, సౌత్ అల్ షర్కియాలోని అనేక బహిరంగ ప్రదేశాల్లో అక్రమ విక్రయాలు చేస్తున్నందుకు 24 మంది కార్మికులను కార్మిక మంత్రిత్వ శాఖ అరెస్టు చేసింది. విలాయత్‌లో కార్మిక చట్టంలోని నిబంధనలను ఉల్లంఘించినందుకు 13 మంది కార్మికులను అదుపులోకి తీసుకున్నామని, నాన్-ఒమానీల విక్రయాలను అరికట్టేందుకు లేబర్ వెల్ఫేర్ జనరల్ డైరెక్టరేట్ తనిఖీ ప్రచారాన్ని నిర్వహించిందని కార్మిక మంత్రిత్వ శాఖ వెల్లడించింది. ఖురయ్యత్, అల్ అమెరత్ విలాయత్‌లో 11 మంది ఇతర కార్మికులను ఇదే విషయంలో అరెస్ట్ చేసినట్లు అధికారులు తెలిపారు. అరెస్టయిన వారిపై చట్టపరమైన చర్యలు తీసుకుకోనున్నట్లు మంత్రిత్వ శాఖ పేర్కొంది.